Sunday 7 July 2013

اليوم الثالث

ستيك مع المشروم والبصل 

هكتبلكم المكونات 

ربع كيلو لحم ستيك ( انتركوت او من الفخدة )

جرجير
بصلة صغيرة مقطعه دوائر 
مشروم مقطع دوائر 
خل ابيض ( بس انا استخدمت خل تفاح وكان طعمه احلى بكتير )  
معلقة زيت زيتون 

نشوى اللحم على الفحم ولو ماعندكمش شواية فحم ممكن نشويها على الجريل على النار عادى 



وفى اناء اخر نوضع الزيت ونضع البصل حتى يذبل ونضع المشروم والخل 


ونضع الجرجير فى طبق التقديم وعليه اللحم وعليه المشروم والبصل 


وعلى فكرة طلعت تجنن وسهل وبسيطة اوى 



السلطة 

سلطة الزبادى

 هتكون حلوة مع الاكلة دى  

هنجيب علبهة زبادة 
وخيارة 
2 فص ثوم صغير ورشه ملح بسيطة

نقشر الخيارة ثم نبشرها ونضعها على الزباردى ونفرم الثوم ونضعه والملح ونقلب كويس اوى لحد ما المكونات كلها تمتزج مع بعض 


الاكله دى ممكن تقدم مع ارز هتبقى مناسبه اوى :)

Tuesday 14 May 2013

meetloaf

اليوم الثانى :) 

ميت لووف

عملت على الغدا ميت لوف طريقتها سهلو اوى وبطلع حلوة اوى انا عاداً مش من محبى اللحم المفروم بس دى كانت مختلفة 

جبت نص لحم مفروم وحطيت عليه بيضه وملح وفلفل وجوزة الطيب وبصلة مفرومة وبقدونس لو حابين وبعدين حطيتهن فى صينية مستطيلة ونضغط عليها كويس 
(وممكن اوى نعملها فى قالب الكب كيك وهتطلع شبه الكب كيك وبيبقى شكلها تحفه )
وبعدين نغطيها بورق فويل لندخلها الفرن لمدة 45 دقيقة وبعدين نشيل الفويل ونسيبها لحد ماتستوى تقريبا هتاخد ساعة كمان بس الوقت بيختلف حسب حرارة الفرن 

نصيحة وانتى بتجيبى اللحم المفروم بلاش يكون فى دهنة كتير عشان مايعملش ريم كتير ومش بيطلع حلو 

لو حابه يكون جمبها صوص جربى الصوص دا 

2 ملعقة مستردة و2 ملعقة كاتشب وملعقة عسل نحل 

ممكن نعمل معاها مكرونة بالبشاميل او مكرونة بالصلصة او زى ماتحبوا 

الحلو 

براونيز 

واحد وربع كوب شيكولاتة خام يذاب فى ذبدة ( فى حمام ماء )
2 بيضة وفانيليا ونصف كوب سكر 

نضرب البيض مع السكر مع 2 معلقة كبيرة كريمة 
ونحط اللدقيق فى مصفاه مع البيكنج بودر وبعدين نحط الشيكولاتة الخام ونحطهم فى صينية وندخلها الفرن ( لازم يكون الفرن سخن من قبلها ) وونسيبهم تقريباً نصف ساعة 

Sunday 12 May 2013

طبق سلطة :)


لما تصحى من النوم وتلاقى الفطار متحضر  وتلاقى طبق سلطة بالجمال  دا 

اكيد اليوم كله هيبقى حلو وهتحس ان عندك طاقة ايجابية كبيرة وهتعوز تطلع احسن ماعندك 

دا الى حصل تقريبا 

قمت الصبح لاقيت الطبق دا :) 



قولت مابدهاش بقى على الغدا لازم اعمل حاجة هو بيحبها وابدع فيها :D 
ماشى هى مش حاجة صعبة انا عارفة بس طلعت تجنن :)
 انهــــا 
بامية باللحمة 
طيب هكتبلكم المقادير الاول هبدأ بتجهيز اللحمة 

هنحط حله فيها ماء على النار ونحط فى الماء فلف اسود وملح وجوزة الطيب وحبها  وورق لورى ومستكة عود قرفة بصلة ثمرة طماطم وثوم  وفلفل اخضر حامى لو حابين
اول ماتغلى نحط اللحمة ونسويها نص سوه عشان عتكمل سواها بعد كدة مع البامية 

نجيى بقى للبامية 

 هنجيب بصلة ونبشرها ونشوحها على النار ثم نضيف 2 ملعقة كبيرة صلصة ونضيف كوب من مرق اللحم الى عملناه  وشوية زيت ونسيب الصلصة لحد ماتتسبك 
نحط ملح وفلفل وبعدين نحط البامية ونحط اللحمة قرب ما البامية تستوى نحط فص ثوم مبشور 

الأرز بالشعرية
نغسل 2 كوب من الارز جيداً وونسيبة فى الماء ساعة تقريباً 
حله على النار وفيها معلقة سمن وبعدين لما السمن تقدح نحط الشعرية لحد ما لونها 
يحمر نحط 2 كوب ماء ولما يغلى نحط الأرز ونوطى النار عليها لحد مايستوى 

سلطة يونانية

الطماطم  تقطع دوائر
خيار يقطع دوائر 
طماطم شيرى
بصل حلقات
فلفل اخضر حلقات 
شبت 
نعناع
زيت زيتون 
خل تفاح 
ملح 

طبعاً نسيبها شوية عشان المكونات دى تمتزج ببعض وتتبل :) 

الحلو 
تيجر كيك 
انا بحب اوى اعمل الكيك بالبن الرايب بيبقى تحفة  جربوه على ضمانتى :) 

انا فى الكيك بخلط المقادير السائلة الاول وبعدين بضيفها على المقاديير الصلبة 
 فى الاول هنجيب بوول ونحط كوب زبدة سايلة او زيت لو عايزين ووكوب ونصف سكر و 3 بيض وفانيليا ونخلطهم كويس اوى لحد مايبقى ملمسهم كريمى وبعدين نضع كوب لبن رايب 

نيجى بقى للمقادير الصلبة هجيب 2 بوول واحد هحط فيه 2 ونصف كوب دقيق ومعلقة صغيرة بيكنج بودر وذرة ملح والبوول الثانى هحط فيه اقل من صف كوب دقيق ومعلقة كاكاو ( انا بستخدم هنتز طعمة حلو اوى ) ممكن تستخدمه نيسكويك طعمة احلى من الكاكاو الخام بصراحة انا مش بيظبط معايا الخام دا 
بس لو هتستخدمه نيسكويك يبقى تحطوا اكتر من معلقة تقريبا 3 كيس صغير عشان دا بيبقى خفيف شوية ونحط برده ذرة ملح ونصف معلقة بيكنجبودر 
وبعدين نحط بقى الخليط السائل الى عملناه فى الاول لحد ما نوصل للقوام الى احنا عايزينه فى الاتنين 

نجيب صنية الى هنعمل فيها الكيك ونغطيها بالزيت وبعدين شوية دقيق عشان نعمل طبقة عازلة او لو حابين استخدموا ورق زبده 

 ونبدأ نحط  ملعقتين من الخليط الابيض ومعلقة من خليط الشيكولاته  وها كذا


اهم حاجة فى الفرن لازم يكون سخن على 180 تقريباً واوعوا تفتحوا عليها الفرن اول نصف ساعة ونشغل الفرن من تحت بس تقريبا هتاخد ساعة :) 


Friday 10 May 2013

فكرة جديدة

اجمل حاجة فى الدنيا انك تلاقى انسان تحبه والاجمل ان يكون هو كمان بيحبك
دى كخطوة اولى

كخطوة تانية عشان يكون فى علاقة ناجحة 
انك تقدر تتفاهم مع الانسان دا يحترمك وتحترمه يكون واثق فيك وانت كمان واثق فيه يكون بيقدر دماغك وتفكيرك

كدة بالتأكيد هتكون علاقة ناحجة 
بس عافين ايه بقى كمان بيحلى الموضوع دا انه يشجعك على حاجة انت بتحبها ويحببك فيها زيادة ويخليك توصل للى انت عايزة وبتحلم بيه 

انه يكون واثق فى قدراتك اكتر مانت واثق فيها ويكون متأكد اكتر منك انك هتوصل وتنجح 

احساس حلو اوى

الحمدلله ان ربنا رزقنى بزوج كدة .. 

رغم المشاكل ورغم خلافاتنا بس فى الاخر احنا بنحب بعض وعايزين ننجح فى حياتنا
من الحاجات الى شجعنى عليها هى الطبخ .. افتكر ان قبل الخطوة وحتى بعد للخطوبة بفترة ماكنتش بعرف ادخل المطبخ
ولا كنت بحبه ابداً 
طلب هو منى فى مرة انى اعمل اكل وسمعت كلامه والحمدلله طلع كويس رغم انى كنت اول مرة اطبخ طبعاً دا بتعليمات من ماما بس الفكرة انه اول ما اكل منه قالى ان نفسى حلو اوى فى الطبخ غير ماكان متوقع :D

بدأت ادخل المطبخ واتعلم واحدة واحدة كنت اوقات كتير بعك الدنيا ودا طبيعى فى حالتى دى :D

بعد الجواز الوضع اتغير بدأت اتفرج على برامج طبخ وبدأت اجيب كتب .. ساعات كنت بنجح وساعات كنت بفشل بس الحمدلله فى اغلب الاوقات كنت بنجح وكنت بعمل افتكاسات كدة فى الاكل من عندى وكانت بتظبط

فى يوم من الايام جيه قالى انى بطبخ حلو وقالى ليه ماتكتبيش الوصفات الى بتعمليها سواء الى كنت بفتكسها او كنت بجمعها من برامج او كتب للطبخ

عجبتنى الفكرة وقولت انى هكتب كل وصفة عملتها وطلعت كويسة
وقررت انى اكتبها على المدونة بتاعتى
رغم انى عارفة ان مافيش ناس كتير بتدخل عندى بس انا متأكدة انى حتى الى بيدخلوا لو كان عددهم صغير فممكن يستفيدوا 

انا عارفة ان معظم المواضيع الى على المدونة تخص المرأة والدفاع عن حققوها وما الى ذلك لكن كمان

 الطبخ والمطبخ من اكتر الحاجت الى ممكن تخلى الست فى قمه ساعتها وخصوصا لما يرجع جوزها من الشغل ويعجبه الاكل وقتها مافيش حاجة ممكن تفرح الست اكتر من كدة :)

Monday 26 November 2012

رسالة من فتاه

لكل ولد مفكر نفسه مقطع السمكة وديلها وانه فاهم البنات وفاهم حركاتهم احب اقولك
 ان لما بنت تقعد تجهز نفسها ساعتين قبل ماتنزل دا مش عشان تعجب سعادتك ولا عشان تنول الرضا وتسمعها كلمتين  منك وهى معدية فى الشارع 
البنت انسان من حقها انها تلبس الى شايفاه حلو عليها وتحط مكياج وتطلع حلوة قدام نفسها مش عشان زى مانت مفكر
  
لكل ولد بيقول البنت هى الى بتجبر الولد انه يتحرش بيها احب اقولك ان الى انت بتقوله ده اى كلام وخلاص تدارى بيه خبتك المفروض انك لو راجل وفاهم معنى الكلمة دى كويس لو شفت بنت عريانة فى الشارع تغطيها وتحميها عشان ماحدش يبصلها

لكل ولد مفكر ان المجتمع ظالمه وانه مش عارف يشتغل ولا يتجوز فبيفرغ شحنته فى اى بنت معدية انه يتحرش بيها او يقولها كلام يخدش حياءها احب اقولك ان نسبة العنوسة فى البنات اكتر من الولاد وعادى عايشين 
هى غريزة اه لكن مش اساسية يعنى من غيرها مش هتموت

ياريت كل ولد يحط نفسه مكان البنت ولو ل 5 دقايق , احنا  قبل ما بننزل بنفكر هنلبس ايه  وهنمشى من اى شارع ولما نجى نروح نعمل حسابنا فى الوقت مش بعد 10 بليل عشان نقدر نركب مواصلات , الف فكرة بتيجى فى دماغنا قبل ماننزل من البيت عشان ماحدش يتعرض لينا

نفسى امشى فى شارع آمن واركب مواصلات وماحدش يمد ايه او يبص او يقول كلمه تخدش حيائى

نفسى وانا بعدى من اى نفق ماجريش عشان انا فيه لوحدى او فيه ولد ورايا وخايفة يعملى حاجة 

نفسى امشى وابقى متأكدة ان لو حد اتعرضلى هلاقى الف واحد يدافع عنى
 
نفسى مابقاش خايفة وانا ماشية فى الشارع

لا للتحـــــرش , لا للإهــــانه  
 

Thursday 18 October 2012

وجهه نظر اقتصادية

إن الصراع بين طبقتى العمال والرأسمالية وليد ظروف وهذة الظروف نتيجة لغياب الرقابة والاستهانة بالانسان وعدم تقديره و اهمال حقوقه 
وايضاً الاعتماد على الاله والتكنولوجيا ادى الى زيادة الفجوة بين الطبقتين و اضر كثيراً بالمجتمع 
على عكس رأى الكلاسيك ان هذا سيؤدى إلى رفع كفاءة العملية الانتاجية وخفض تكلفة واسعار المنتجات ومن ثم زيادة رفاهيه المستهلك .. نعم إن الميكنة والاله ادت الى هذه المنافع ولكنها ايضاً اددت الى زيادة حجم البطالة فى المجتمع 
ومن وجهه نظرى ارى انه من الضرورى وجود رقابة من جهه الحكومة وعدم ترك الامور على سجيتها 
انا مع حرية السوق ولكن فى ظل وجود رقابة تمنع السرقة والغش والاحتكار 
وهذا ما يصعب تحقيقه فى ظل حكومة ضعيفه 
ومن الضرورى والحتمى تدخل الدولة لحماية الفرد البسيط والعامل من تحكم التجار والرأسماليين بالاسعار والاجور 
إن افراد المجتمع سواسية امام القانون ومتساويين فى الحقوق والواجبات ولكنهم غير متساويين فى إمكانياتهم وقدراتهم وكفاءتهم
ولكن يجب الا ننسى ان عدم مساواتهم فى الكفاءة  لا يعنى تجاهل حقهم فى عيشة كريمة وآدمية

إن علم الاقتصاد هو علم اجتماعى يهتم بالمجتمع وافراده وتحقيق الرفاهيه لهم جميعاً من خلال زيادة الانتاج  وليس هدفه تحقيق اقصى رفاهيه فقط لمن يملك رأس المال 

إن النظام الرأسمالى غير قادر على تحقيق العدل والحفاظ عل مبادىء الانسانية
وفلسفة الحرية الاقتصادية القائمة على الفردية وعدم تدخل الدولة لا تستطيع تحقيق التوافق بين مصالح الافرد فى المجتمع او تحقيق مصلحة الجميع 

وعندما ذكرت ان الحل هو تدخل الدولة والرقابة لتحقيق العدل وتطبيق القانون والحفاظ على آدمية هذه الطبقة ليس معناه انى أوؤيد التدخل الكامل للدولة فى النشاط الاقتصادى بمعنى تأميم المشروعات الخاصة وملكية الدولة لوسائل الانتاج 

فأنا من اكثر الناس اعتراضاً على القطاع الحكومى االذى لا يحقق اى ربح او عائد بل انه يحقق خسائر , فالموظف فى القطاع الحكومى عامل نفسه بيشتغل و فى المقابل الحكومة عاملة نفسها بتديله فلوس ولا هو عارف يعيش بالفلوس دى ولا بيحقق اى مكسب او عائد لهذا القطاع 

ويكمن اعتراضى على النظام الرأسمالى فى اساءة استخدامه حين يكون وسيلة للكسب فقط حينما تسيطر روح الانانية والتفكير المنحصر على المادة دون مراعاه الطبقات الاقل 

ملخصاً لما سبق وما اريد ان اوضحه هو ان الحل يكمن فى : 

على الحكومة ان تتجه لدراسة مشروعاتها دراسة جيده وتعيين العدد الكافى من العمال والموظفيين الذى يحقق اقصى ربح

وتسهيل فرص الاستثمار وزيادة المشروعات .. الامر الذى يؤدى الى انخفاض معدلات البطالة وارتفاع معدلات الانتاج وبالتالى زيادة  اجر العمال والموظفيين وزيازيادة الاستهلاك الذى يجبر المستثمرين على زيادة وتوسيع نشاطهم وتشغيل عدد اكبر من العمال 

إن الانســان هو العنصر الاساسى فى العملية الانتاجية التى تؤدى إلى تحقيق اقصى رفاهيه إقتصادية للمجتمع .. ومن هنا يحب الاهتمام به والاهتمام بحصوله على كافه حقوقة فى عيشه كريمة 

Sunday 24 June 2012

أنا آسفه ...

"مع السنوات ادركت ان الاعتذار لا يسقط الهيبة , اجمل الاعتذارات ما كان فى موطن قوة ان تعتذر لطفلك .. لزوجك.. لتلميذك .. لعاملك .. لشعبك .. أن تعتذر لنفسك"

د. سليمان العودة


أنا آســــــفه 

 آسفه
... يارب لانى اخطأت كثيراً وطلبت عفوك وكررت خطأى 

 آسفه
 يا امى لانى فى بعض الاوقات جرحتك بكلمات لم اكن اقصدها 

  آسفه
 يا ابى لانى لم اكن مثلما اردت ان ترانى 

 آسفه
 يا اختى الحبيبة لانى لم اكن بجانبك فى بعض الاوقات و انشغالى عنك

 آسفه 
يا حبيبى لانى احملك اكثر مما ينبغى  

 آسفه
 يا صديقتى اننى قصرت معك فى بعض الاوقات 

 آسفه
يا جدتى لانى اعتقدت يوم ما انك لا تفهمينى لانك من جيل اخر فانا الان اعلم جيداً انك كنت على حق فى الكثير
 
 آسفه
لنفسى لاننى ضيعت الكثير من الوقت دون فائدة
 آسفه
 لكل شخص ظلمته يوما ما او جرحته 
 آسفه
 لمن تحدثت عنه فى غيابه 
 آسفه
لكل شخص خيبت امله او انتظر منى كلمه اوفعلاً ولم اكن عند حسن ظنه
 آسفه 
لكل طفل اراه فى الشارع بلا مأوى 
 آسفه 
لكل شخص لا يستطيع ان ينام على سرير مثلما انام 
 آسفه 
لانى اترك الباقى من طعامى فى المطعم ليرمى فى القمامة وغيرى لا يجد ما يأكله
آسفه 
لكل فقير فى بلدى لم اشعر بمعاناته يوما 
آسفه 
لكل مظلوم لم يستطيع ان يحصل على حقه لانى سكت عن الظلم 
 آسفه 
لكل سائل سألنى يوما ولم استطع مساعدته
 آسفه 
لتمردى على حالى فى بعض الاوقات وهناك من هم اسوأ منى حالاً 
 آسفه
كل شيىء لم استطع فعله